SƏTƏM siyasətini tətbiq etməkdə əsas məqsədimiz Azərbaycan Respublikasıın qanunvericiliyinə, normativ-texniki tələblərə və qəbul edilən beynəlxalq aktlara əməl etməklə insanların sağlamlığına, əmlaka və ətraf mühitə zərər vurmadan təhlükəsiz iş mühiti yaratmaq və bütün fəaliyyət istiqamətlərimiz üzrə bədbəxt hadisələrin və onlardan zərər çəkənlərin sayını sıfıra bərabər etməkdir.

• Azərbaycan Respublikasıın qanunvericiliyinin, səlahiyyətləri çərçivəsində müvafiq icra hakimiyyəti orqanlarının qəbul etdiyi normativ hüquqi aktların, habelə Azərbaycan Respublikasının qoşulduğu və ya tərəfdar çıxdığı beynəlxalq müqavilələrin tələblərinə riayət ediləcək;
• Azərbaycan Resupublikasının əmək qanunvericiliyin əsasında yaradılmış sağlamlığın qorunması və əməyin təhlükəsizliyinin təmin edilməsi, eləcə də ekoloji idarəetmə sistemlərinin rəhbərlik tərəfindən dəstəklənməsi və daima təkmilləşdirilməsi üçün müvafiq işlər görüləcək;
• Müəssisəmizdə çalışan bütün işçilərin əməyin mühafizəsi və ətraf mühitin mühafizəsi tələbləri ilə bağlı maarifləndirilməsi, məsuliyyətin bütün işçilər tərəfindən mənimsənilməsi təmin ediləcək;
• Risk və imkanlar müəyyənləşdirilərək, qiymətləndiriləcək və onlara qarşı tədbirlər planının hazırlanması təmin ediləcək;
• İdarəetmə və texniki qərarların qəbulu zamanı insanların təhlükəsizliyinə, sağlamlığına və ətraf mühitə zərər verə biləcək bütün təhlükələrin, ekoloji çirklənmələrin, təbii ehtiyatlardan düzgün istifadə etməklə atmosferə, suya və torpağa çirkləndirici maddələrin qarşısı alınacaq;
• Baş vermiş bütün növ hadisələrin əsas (təməl-kök) səbəbləri araşdırılacaq və gələcəkdə baş verməməsi üçün düzənləyici tədbirlər görüləcək;
• Bütün qəza-xilasetmə, yanğınsöndürmə və təhlükəsizlik baxımından son dərəcə vacib olan avadanlıqların müntəzəm monitorinqini və təftişini aparacaq və bütün belə avadanlıqların istehsalçı təlimatlarına uyğun olaraq istismar olunması təmin ediləcək;

SƏTƏM üzrə tələblər şirkətin ərazisində və iş sahəsində həmçinin kənar şirkətin ərazisi və iş sahələrində vəzifələrini yerinə yetirən bütün əməkdaşlara şamil olunur.